ການໃຊ້ລົມ

ດັ່ງທີ່ໄດ້ກ່າວມາຂ້າງຕົ້ນວ່າ “ແຄນ” ສາມາດເປົ່າລົມອອກ ຫຼື ດູດລົມເຂົ້າກໍສາມາດເຮັດໃຫ້ເກີດສຽງໄດ້ເຊັ່ນດຽວກັນ, ເຊິ່ງມັນສາມາດເຮັດໃຫ້ຜູ້ເປົ່າບໍ່ເມື່ອຍ ເນື່ອງຈາກ ການເປົ່າກໍປຽບເໝືອນກັບການຫາຍໃຈອອກທາງປາກ ແລະ ການດູດລົມເຂົ້າກໍປຽບເໝືອນການຫາຍໃຈເຂົ້າທາງປາກ ເຮັດໃຫ້ການເປົ່າແຄນນັ້ນສາມາດເປົ່າໄດ້ເລື້ອຍໆໂດຍບໍ່ ຈໍາເປັນຕ້ອງຢຸດເພື່ອພັກຫາຍໃຈ.

ເຕັກນິກການເປົ່າແຄນເບື້ອງຕົ້ນ:

-    ຜູ້ເປົ່າຕ້ອງໃຊ້ສົບ ຫຼື ປາກໄປຈຸກັບຮູເຕົ້າແຄນ ຫຼື ຮູເປົ່າ ພະຍາຍາມບໍ່ອ້າປາກກວ້າງ ຫຼື ແຄບຈົນເກີນໄປ ແລະ ບໍ່ໃຫ້ລົມທີ່ເປົ່ານັ້ນຜິ່ວ ເພື່ອເຮັດໃຫ້ໄດ້ສຽງແຄນທີ່ຖືກຕ້ອງ ແລະ ມ່ວນອອນຊອນ.

-    ເວລາເປົ່າ ຜູ້ເປົ່າຕ້ອງບັງຄັບລົມໃຫ້ມີຄວາມສະໝໍ່າສະເໝີ ບໍ່ແຮງ ຫຼື ບໍ່ຄ່ອຍເກີນໄປ ແລະ ບໍ່ຄວນເປົ່າແບບໃຊ້ແຮງກະແທກ ເຊິ່ງຈະເຮັດໃຫ້ຜູ້ເປົ່າເມື່ອຍງ່າຍ ແລະ ສຽງທີ່ໄດ້ມີຄວາມຜິດພ້ຽນ ຫຼື ບໍ່ມ່ວນໄດ້.

-    ການເປົ່າສາມາດໃຊ້ລົມຍາວ-ສັ້ນ ຕາມລາຍແຄນທີ່ເຮົາກຳລັງເປົ່າ ເຊິ່ງຕ້ອງອີງໃສ່ຈັງຫວະຂອງລາຍແຄນນັ້ນໆເປັນຫຼັກ