ແຄນປະກອບມີຫຼາຍຊະນິດ ເຊັ່ນ:
1. ແຄນຫົກ: ເປັນແຄນສໍ່ານ້ອຍເອີ້ນວ່າ ແຄນນ້ອຍ ຫຼື ແຄນສັ້ນ, ມີລູກແຄນຂ້າງລະ 3 ລູກ ມີສຽງນຳກັນ 5 ສຽງຄື: ຟາ-ຊອນ-ລາ-ໂດ-ເຣ.
2. ແຄນເຈັດ: ເປັນແຄນສໍ່າກາງມີລູກຂ້າງລະ 7 ລູກ, ແຄນສ່ຳກາງນິຍົມເປົ່າໃສ່ດົນຕີອື່ນໆ ມີສຽງນຳກັນ 7 ສຽງຄື:
ໂດ-ເຣ-ມີ-ຟາ-ຊອນ-ລາ-ທີ.
3. ແຄນແປດ: ເປັນແຄນສໍ່າກາງເຊິ່ງໃຫຍ່ກວ່າແຄນເຈັດໜ້ອຍໜຶ່ງ. ໃຊ້ສໍາລັບເປົ່າດ່ຽວໂດຍປະສົມປະສານກັບສຽງ
ລໍາ ແລະ ສຽງຂັບປະເພດຕ່າງໆ, ແຄນແປດເປັນແຄນທີ່ໝໍລໍານິຍົມຊົມຊື່ນໃຊ້ຫຼາຍກວ່າໝູ່.
4. ແຄນເກົ້າ: ເປັນແຄນທີ່ມີລູກຂ້າງລະເກົ້າ, ແຄນຊະນິດນີ້ແມ່ນແຄນທີ່ເພິ່ນນິຍົມຊົມຊື່ນເປົ່າໃສ່ ຂັບໂສມ, ລໍາສີພັນດອນ, ລໍາພື້ນເມືອງ, ລໍານິທານແຕ່ເກົ່າ.
ນອກຈາກນີ້ແລ້ວ, ຍັງມີແຄນຂອງຊົນເຜົ່າຕ່າງໆໃນວົງຄະນະຍາດແຫ່ງຊາດລາວອີກເຊັ່ນ:
ຕຣວນ ຫຼື ແຄນທວນ ຫຼື ແຄນນ້ຳເຕົ້າ ຂອງຊົນເຜົ່າໂອຍ, ແຄນຂອງຊົນເຜົ່າມູເຊີ,
ແຄນຂອງຊົນເຜົ່າມົ້ງ ແລະ ອື່ນໆອີກ.
ຮູບທີ 1: ແຄນປະເພດຕ່າງໆ
ไม่มีความคิดเห็น:
แสดงความคิดเห็น